Բովանդակությունը՝
- Հայերենի բառարաններ
- Բառարանների տեսակներ
- Բառարանները nayiri.com-ում
- Բառարանների ընտրություն, ընթերցում
- Բառարանաստեղծում՝ թումանյանական, տերյանական, չարենցյան, … բառերի բառարան, էպոսաբառարան և այլն
- Բառարանագովք-բառարանագովազդ
- bararanonline.com
Տերյանական բառարան…
1. Եզերք
Ջրային տարածության եզր, ափ: Որևէ բանի ծայրային կամ կողքային շերտը, եզրաշերտ, եզր: Ծայր, վերջ, սահման: Զգեստի փեշ, քղանցք: (փոխաբերական) Կողմ, շրջան: (փոխաբերական) Վայր, երկիր:
Հոմանիշներ
Եզր, ծայր, սահման (ցամաքի). ավ (գետի, լճի, ծովի), ստորոտ (լեռան), վերջավորք (հնց.) (անտառի), փեշ, քղանցք (զգեստի), դաստակ (շապկի, թեզանիքի), բերան, շուրթ (ամանի), զիկ (օձիքի վերի), լուսանցք (էջի), եզնակ (հորի): Տես Երկիր:
2. Մառախուղ
Ջրի մանր գնդիկների կուտակություն մթնոլորտի ցածր շերտերում, որ դժվարացնում Է տեսանելիությունը: (փոխաբերական) Մթություն, մթամածություն: Մտքի՝ զգացողության մթագնում՝ թմրություն: Չարություն, նենգություն, դավ: Տխրության՝ հուսալքման ևն արտահայտություն դեմքին, աչքերում ևն: Անհեռանկար՝ անորոշ վիճակ:
Հոմանիշներ
Մշուշ, մեգ, շամանդաղ, մռայլ, մլար, թուխպ, միգապատություն, միգամածություն, մառախլապատություն, մշուշապատություն, մառախլոտություն, միգոտություն, քաշաթուխպ, չանգ, փում, ամպուզամպ:
3. Մթնշաղ
Մութնուլույս, արշալույսի կամ վերջալույսի աղջամուղջ: Կիսալուս, կիսախավար:
(փոխաբերական) Անուրախ, մռայլ: Մթնշաղ կյանք:
Հոմանիշներ
Աղջամուղջ, վերջալույս, իրիկնաշաղ, մթնաշաղ, մթնալույս, մթնաթաթախ, մթնշող, աղտամուղտ, վերջնաշաղ, լրթնատեսիլ, (բրբ.) ժանգառք, մռւթուլուս, ճրագվառոց:
4. Տխուր
Տխրություն պատճառող, տրտմեցնող, տխրությամբ համակող, տխրություն տարածող՝ բերող: Թշվառ, ցավալի, վշտալի, ծանր: Մռայլ, մութ, ծանր, ճնշող: Տխրուրթյամբ համակված՝ լցված՝ պատված, վշտով համակված:
5. Մութ
Խավար, չլուսավորված: Մուգ, ոչ բաց: Մռայլ, մռայլամած, մռայլադեմ: Անպարզ, անհասկանալի, ոչ պարզ, ոչ մատչելի: Մթություն, խավար: Երեկո:
Հոմանիշներ
Խավար, աղջամուղջ, մթություն, մթար, գիշեր:
Հականիշներ
6. Կարոտ
Որևէ բանի պահանջ՝ կարիք զգացող, մի բանից զուրկ:Մի բանից զրկված և զրկանքից տառապող: Նյութական միջոցներից զուրկ, չքավոր, չունևոր, կարիքավոր: Կարոտություն, կարիք: Վիշտ՝ տխրություն՝ հոգեկան տառապանք, որ մարդ զգում է մեկից կամ մի բանից զուրկ՝ հեռու լինելու պատճառով:
Հոմանիշներ
Անձկություն, կարոտություն: Փափագ, ցանկություն, ըղձանք, իղձ, բաղձանք, տենչ, տենչանք, կարոտանք:
7. Խորհրդավոր
Գաղտնիքներ պարունակող, գաղտնիքներով պատված, առեղծվածային, անհասկանալի, անիմանալի: Խորհրդավոր միանձնուհի: Խորհրդավոր անհայտացում՝ լռություն: Գաղտնի, ծածուկ, անհայտ: Խորհրդավոր մեխանիզմ: Խորհրդավոր գետնուղի: Խորհրդավորություն արտահայտող:
Հոմանիշներ
Գաղտնախորհուրդ, խորախորհուրդ, թաքնախորհուրդ, խորհրդաբեր, խորհրդահեղց, խորհրդակիր:
8. Անուրջ
Երազ, տեսիլք: Երևակայության մեջ ընկնելը, մտահածություն: Փափագելի՝ երանելի ձգտում, երազանք: Ցնդաբանություն:
Հոմանիշներ
Երազ, երազանք, անրջանք: Տեսիլ, ցնորք, պատրանք, խաբկանք:
9. Հեռու
Հեռավոր: Որոշ հեռավորության վրա, հեռավորությամբ: Որևէ սահմանից՝ կետից այն կողմ:
Հոմանիշներ
Հեռավոր, հեռակա, տար, մեկուսի
Հականիշներ
մոտ, մոտիկ, մերձ
10. Խաղաղ
Հանգստի՝ անդորրի վիճակում գտնվող, անաղմուկ և առանց բուռն շարժումների: Խաղաղ գիշեր: Հոգեկան հանգստի վիճակում գտնվող, անվրրդով, հոգեպես չհուզված: Հոգեկան հանգիստ՝ անվրդովություն արտահայտող: Վեճ՝ կռիվ՝ թշնամություն չպարունակող՝ չարտահայտող, ոչ թշնամական: Խաղաղության ձգտող, խաղաղության պահպանման ծառայող: Մեղմ, մարմանդ:
Հոմանիշներ
Հականիշներ
11. Անծանոթ
Ոչ ծանոթ, որին չեն ճանաչում: Չճանաչող, ծանոթություն չունեցող: Անտեղյակ, անգետ: Չճանաչված, ոչ հայտնի, չհռչակված, աննշան: Օտարական, օտար:
Հոմանիշներ
12. Ցավ
Մարմնական ցավագին զգացում՝ վերքի, հիվանդության ևն պատճառով: Հիվանդություն: Վիշտ, հոգեկան տառապանք: Հոգս, մտահոգություն: Պատուհաս, փորձանք, չարիք:
13. Անվերջ
Վերջ չունեցող, չվերջացող: Մշտական, շարունակ, անդադար: Անսահման, անթիվ, անհամար:
Հոմանիշներ
Անվերջանալի, անծայր, անծայրածիր, անսահման, անեզր, անեզերք, անհուն, անվախճան, անբավ, անսպառ, անհատնում. անդադար, միշտ, շարունակ, միալար, անդուլ, անդլակի, հարատև, հավիտյան, հավիտենական:
14. Մռայլ
Միգապատ, միգամած, ամպամած: Մռայլ եղանակ: Մութ, մթին, խավար: Մռայլ գիշեր՝ զնդան: Մութ գույնի, գորշ, սև: Անհրապույր, ոչ զվարթ, ոչ պայծառ: Տխուր, անուրախ, թախծոտ:
Հոմանիշներ
Հականիշներ
15. Ցնորք
Երևակայական պատկեր՝ տեսիլք, պատրանք: Մտքի հափշտակություն, երազանք: Հափշտակության առարկա, հափշտակիչ՝ հրապուրիչ՝ գերող բան: Ցնորական միտք:
Զառանցանք: Ցնդաբանություն, ցնորական խոսք՝ արտահայտություն:
Հոմանիշներ